મેરિકોમાં મહિલા કર્મચારીઓને વિશેષ સ્થાન

ઘણી કંપનીઓમાં મહિલા કર્મચારીઓની સંખ્યા વધી રહી છે , પરંતુ 85 ટકા સ્ટાફ મહિલા હોય એવી કેટલી કંપનીઓ હશે ? મેરિકોના કાયા સ્કીનકેર બિઝનેસમાં આ હકીકત છે.

બ્યુટી અને સ્કીનકેર રિટેલમાં બિઝનેસના પ્રકારના કારણે જ મહિલા સ્ટાફની સંખ્યા વધારે હોય છે. કાયાના સીઇઓ અજય પાહવા જણાવે છે કે , અમારા 85 ટકા ગ્રાહકો પણ મહિલા છે.

કાયા ભારતમાં લગભગ 1,200 કર્મચારી ધરાવે છે જે તેના 82 આઉટલેટ્સમાં કામ કરે છે. તેઓ સ્કીન પ્રેક્ટિશનર્સ , ક્લાયન્ટ કોઓર્ડિનેટર્સ , ડર્મેટોલોજિસ્ટ્સ અને ક્લિનિક હેડ અથવા મેનેજર્સ તરીકે કામ કરે છે. કાયાની તાલીમ સંસ્થા અને ઓપરેશન્સમાં પણ મોટા ભાગે મહિલાઓ છે.

કંપનીમાં ભરતીમાં પણ આંતરિક સ્તરે પસંદગીને ઉત્તેજન આપવામાં આવે છે. આ ઉપરાંત હોસ્પિટાલિટી , રિટેલ , બેન્કિંગ વગેરેમાંથી ભરતી થાય છે.

પાહવા જણાવે છે કે , ગ્રાહકો અને તેમની જરૂરિયાતને મહિલાઓ વધુ સારી રીતે સમજી શકે છે તેથી તેમની પસંદગી કરાય છે. અમારે ત્યાં વાસ્તવિક કાળજી સાથે કુશળતાનો સમન્વય કરવામાં આવે છે.

કાયાના એચઆર વડા રુહી પાંડે જણાવે છે કે , કર્મચારીઓની પ્રાથમિકતા અલગ છે. મહિલાઓ માટે જીવનમાં લગ્ન , પ્રસૂતિ , માતૃત્વ અને પરિવાર જેવા વિવિધ તબક્કા હોય છે. અમે તેમને આ દરેક તબક્કામાં કઈ રીતે મદદરૂપ બની શકીએ તે મહત્ત્વનું છે.

કાયાનો મોટા ભાગનો સ્ટાફ યુવાન છે તેથી ભાવનાત્મક ટેકો પણ મહત્ત્વનો છે. કંપનીમાં ફ્રન્ટ સ્ટાફની સરેરાશ વય 20 થી 25 વર્ષ છે. કાયામાં કર્મચારીઓને કામના સ્થળે કે બીજે ક્યાંય સમસ્યા હોય તો તેના ઉકેલ માટે બે સ્તર છે.

પ્રથમ સ્તરમાં તેઓ એચઆરમાં કોઈની સાથે હેલ્પલાઇન પર વાત કરી શકે છે. બીજી વ્યવસ્થા મેમ્બર આસિસ્ટન્સ પ્રોગ્રામની છે જે એક થર્ડ પાર્ટી કંપની છે.

તેમાં તેઓ મુક્ત કાઉન્સેલિંગ મળે છે. કેટલાક મુદ્દાનો સીધો ઉકેલ આવી શકતો નથી. પાંડે જણાવે છે કે , મહિલાઓ વીક એન્ડમાં પરિવાર સાથે રહેવાનું પસંદ કરશે. પરંતુ અમારો બિઝનેસ ચોવીસે કલાક ચાલુ હોય છે તેથી રોટેશન પ્રમાણે સાપ્તાહિક રજા મળે છે.