ત્રણ દિવસ સુધી ખોરવાઈ ગયા પછી બ્લેકબેરીની ઇ-મેઇલ , મેસેન્જર અને બીજી ઓનલાઇન સર્વિસિસ ફરી ચાલુ થઈ છે. બ્લેકબેરીના ઉત્પાદક રિસર્ચ ઇન મોશન (આરઆઇએમ)ના ચીફ ઇન્ફર્મેશન ઓફિસર રોબિન બિયનફેટે જણાવ્યું હતું કે , ઇ-મેઇલ સિસ્ટમ કાર્યરત બની છે અને અમે બેકલોગ મેસેજનો નિકાલ કરી રહ્યા છીએ.
અમારા ગ્રાહકો પર લઘુતમ અસર થાય તે માટે સપોર્ટ ટીમ કામગીરી કરી રહી છે. અમે તમામ બજારોમાં રાબેતા મુજબના સ્તરે સર્વિસ શક્ય તેટલી ઝડપથી ફરી ચાલુ થાય તે માટે કામગીરી કરી રહ્યા છીએ.
યુરોપ , મધ્યપૂર્વ , ભારત , આફ્રિકા , કેનેડા , લેટિન અમેરિકા અને અમેરિકાના બ્લેકબેરી ગ્રાહકો સોમવારથી ઇ-મેઇલ , મેસેન્જર અને બીજી ઓનલાઇન સર્વિસિસ મેળવવામાં મુશ્કેલીઓનો સામનો કરી રહ્યા હતા. કોર સ્વિચ ફેઇલરને કારણે બ્લેકબેરીની સર્વિસ ખોરવાઈ ગઈ હતી.
આરઆઇએમ ભારતમાં આશરે 10 લાખ ગ્રાહકો ધરાવે છે. જોકે ત્રણ દિવસ સુધી સર્વિસ ખોરવાઈ ગઈ હોવાથી કંપની છેલ્લા ત્રણ દિવસ માટે ટેરિફ પેકેજમાં કોઈ રિબેટ આપશે કે નહીં તે અંગે કોઈ સ્પષ્ટતા નથી.
No comments:
Post a Comment