આઈફોન 4Sને સમગ્ર વિશ્વએ વધાવ્યો

વિશ્વના પાંચ દેશોમાં આઇફોન 4 એસ લોન્ચ કર્યાના અડધા દિવસમાં જ છ લાખથીયે વધુ નંગ વેચનાર કંપની એપલ તેનું જંગી વેચાણ નોંધાવી રહી છે.

વિશ્લેષકોના અંદાજ પ્રમાણે , એપલનો આ નવો સ્માર્ટફોન વીકએન્ડમાં 40 લાખથી પણ વધુ નંગનું વેચાણ હાંસલ કરીને અત્યાર સુધીમાં સૌથી ઝડપભેર વેચાયેલ ગેજેટ બની ગયો છે.

શુક્રવારે આ ફોન લોન્ચ થયો ત્યારે ઓસ્ટ્રેલિયાથી લઈને જાપાન સુધીના એપલનાં વેચાણકેન્દ્રોની બહાર ટેક્નોલોજીપ્રેમીઓની લાંબી લાઇનો લાગી હતી. આઇફોનના અગાઉના વર્ઝન્સના લોન્ચિંગ વખતે જેટલો ઉત્સાહ જોવા મળ્યો હતો તેનાથી અનેક ગણો ઉત્સાહ આ નવા ગેજેટને લઈને જોવા મળ્યો હતો.

એપલના નવા સીઇઓ ટિમ કૂકે જ્યારે ચોથી ઓક્ટોબરે આઇફોન 4 એસ પરથી પડદો ઊંચક્યો ત્યારે કોઈએ તેના આટલા જંગી વેચાણની ધારણા વ્યક્ત કરી નહોતી.

ટેક્નોલોજી વિશ્વમાં આ ફોનને લઈને થોડીક નિરાશા પ્રવર્તતી હતી અને ધારણા હતી કે એપલ આ ફોન દ્વારા ગૂગલના એન્ડ્રોઇડ સામે વ્યંગાત્મક ટીકા આપશે. તે વખતે આ ફોન જોઈને તમામે કહ્યું હતું કે , ભલે લોન્ચ કર્યો.

એપલ દ્વારા આઇફોન 5 લોન્ચ નહીં કરવાના નિર્ણયથી તમામ નિરાશ થયા હતા. પરંતુ બાદમાં પરિસ્થિતિ બદલાઈ ગઈ હતી અને '' ભલે લોન્ચ કર્યો એવું કહેનારા લોકો આ ફોન કેટલો સરસ છે! '' એવું કહેતા જોવા મળી રહ્યા હતા. નિરાશા વ્યક્ત કરનારા અને ઠપકો આપનારા એ જ લોકો અચાનક લાગણીશીલ થઈ ગયા હતા અને આ ફોન પર અપાર પ્રેમ વરસાવતા જોવા મળ્યા હતા.

ટેક્નોલોજીની દુનિયામાં દરરોજ નવીનતા જોવા મળતી રહે છે. દિવસે ને દિવસે ટેક્નોલોજીમાં અનેક બદલાવ આવતા રહે છે. ગેજેટ વિશે માહિતી બહાર કાઢતા રહેતા લોકો કોઈ એક ગેજેટ વિશે સર્વસંમત હોય તેવો મત વ્યક્ત કરે એવું તો ભાગ્યે જ બની શકે છે અને ગેજેટની સમીક્ષા કરનાર તમામે તમામ તેના પર ઓવારી જાય તેવું તો શક્ય જ નથી.

પરંતુ આઇફોન 4 એસના કિસ્સામાં આવું બન્યું છે. એપલના આ નવા આઇફોને પ્રારંભિક નિરાશાને માત્ર દૂર જ નથી કરી પરંતુ દુનિયાના તમામ સમીક્ષકોને આંચકો આપ્યો છે અને આ ફોન પર હાથ અજમાવવા માટે લગભગ તમામ સમીક્ષકો અધીરા બન્યા છે.

તમામ સમીક્ષકોનું કહેવું છે કે એપલનો નવો સ્માર્ટફોન માત્ર ' સ્માર્ટ ' જ નથી પરંતુ હરીફોના સ્માર્ટફોનની સરખામણીએ અનેક ગણો ચડિયાતો છે. આ ફોનમાં ' સિરી ' નામની ટેક્નોલોજી છે જેણે તમામને આશ્ચર્યની સાથે સાથે આનંદનો પણ અનુભવ કરાવ્યો છે. આ એક અતિબુદ્ધિમાન વોઇસ-એક્ટિવેટેડ ટેક્નોલોજી છે , જે તમારા પર્સનલ આસિસ્ટન્ટ તરીકે કામ કરે છે.

ગાર્ડિયનના સ્ટેફન ફ્રાયે આ ફોન વિશે લખ્યું છે કે , ' ફરી એક વાર એપલે તેના હરીફોને મા ' ત આપીને આગેવાની લીધી છે .ન્યૂ યોર્ક ટાઇમ્સના ડેવિડ પોગે લખ્યું છે કે , આ ફોનનો ઉપયોગ કરવાથી લાગે છે કે જાણે આપણે જાદુના કીમિયા કરી રહ્યા છીએ .

વોલ સ્ટ્રીટ જર્નલના વોલ્ટ મોસબર્ગનું કહેવું છે કે , એપલના નવા આઇફોન 4 એસમાં ઓછા નાટકીય સુધારા છે પરંતુ જ્યારે તેમાં સિટી , આઇ ઓપરેટિંગ સિસ્ટમ ( આઇઓએસ ) 5 અને આઇક્લાઉડ ફીચર્સનો સમન્વય થાય છે ત્યારે તે સ્માર્ટફોન વાપરનારા લોકોને એક આકર્ષક પેકેજ રજૂ કરે છે . ''

આઇફોન 4 એસનું જમાપાસું ' સિરી ' નામની ટેક્નોલોજી છે અને , જે એપલની વોઇસ રેકગ્નિશન ( અવાજ ઓળખતી ) ટેક્નોલોજી છે અને તમામ સમીક્ષકોએ તેને વધાવી લીધી છે . ન્યૂ યોર્ક ટાઇમ્સના પોગે લખ્યું હતું કે , સિરી અનેક પ્રકારના અતુલ્ય અને માનવામાં ન આવે તેવા કામ કરી શકે છે .

આ ટેક્નોલોજી શેરના ભાવ મેળવી શકે છે , હવામાન અને ચલણની માહિતી આપી શકે છે , એક ડોલર માટે કેટલા રૂપિયા ચૂકવવા પડશે તે પણ જણાવી શકે છે , ડિક્શનરી વ્યાખ્યાઓ આપી શકે છે , મીટરને સેમીમાં અને લીટરને મિલીલીટરમાં ફેરવવા જેવા કામ કરી શકે છે અને ગાણિતિક ગણતરીઓ પણ કરી છે .

આ ટેક્નોલોજી જીપીએસનો ઉપયોગ કરીને તમે કયા સ્થળે ઊભા છો તેની માહિતી આપે છે અને જો તમે તેને કહી દો કે ' રસ્તામાં ઇસ્ત્રીવાળાની દુકાન આવે તો મને કપડાં લેવાનું યાદ કરાવજે ' તો તે તમને યાદ પણ કરાવે છે . ''

સિરી સિવાયની સ્માર્ટ ટેક્નોલોજી ઉપરાંત આ ફોનમાં એપલની નવી ઓપરેટિંગ સિસ્ટમ આઇઓએસ 5 છે , જેમાં 200 જેટલાં વધારાનાં ફીચર્સ છે . સૌથી શ્રેષ્ઠતમ ફીચર ' આઇક્લાઉડ ' છે , જે મોબાઇલનું સ્થાન લેશે . આઇક્લાઉડ તદ્દન મફત છે અને તેનાથી વપરાશકર્તા તેની માહિતી , ફોટો , એપ્લીકેશન્સ , મ્યુઝિક વગેરે જેવી બાબતો ક્લાઉડમાં સંગ્રહી શકે છે . સિરી માત્ર તમારો અવાજ ઓળખીને તમે જે બોલો છો તેને તો સમજે જ છે પરંતુ સાથે સાથે તમે કેવા સંદર્ભમાં બોલી રહ્યા છો તે પણ સમજી શકે છે .

ફરી એક વાર , એપલે એક જબરજસ્ત ભૌતિક ટેક્નોલોજી વિકસાવી છે અને આ ટેક્નોલોજી તમામ સ્માર્ટફોનમાં હોવી લગભગ જરૂરી લાગી રહ્યું છે . આ એક જાદુઈ ટેક્નોલોજી છે . સિરી તેના પ્રથમ અવતારમાં છે અને ભવિષ્યમાં તેના થકી અનેક ફેરફારો જોવા મળશે .

આખરે તો , મંદીના આ સમયમાં જો તમને કોઈ પર્સનલ આસિસ્ટન્ટ મળી જાય જેને તમારે પગાર પણ ના ચૂકવવો પડે તો કેવું સારું !!!