ભારતના બિઝનેસ અખબારોમાં ઇકોનોમિક ટાઇમ્સ નિર્વિવાદપણે અગ્રેસર છે એવું બીજા ક્વાર્ટરના ઇન્ડિયન

રીડરશિપ સરવે (આઇઆરએસ) 2011 ના આંકડા પરથી ફલિત થાય છે.

વાચકોની દષ્ટિએ તે ટોચના 10 અંગ્રેજી અખબારોની યાદીમાં પણ એક સ્થાન આગળ વધ્યું છે. 7.85 લાખની એવરેજ ઇશ્યૂ રીડરશિપ (એઆઇઆર) સાથે ઇટી આ યાદીમાં સાતમા ક્રમે છે. સ્વાભાવિક રીતે જ ટોપના 10 માં તે એકમાત્ર બિઝનેસ અખબાર છે.

ઇટીની અગ્રેસર સ્થિતિનો અંદાજ એ હકીકત પરથી આવે છે કે ચાર અગ્રણી બિઝનેસ અખબારોના એઆઇઆરને સંયુક્ત રીતે મૂકવામાં આવે તો તેમાં ઇટીનો હિસ્સો 61 ટકા જેટલો હશે.

એટલું જ નહીં ઇટી તેના સૌથી નજીકના ત્રણ હરીફ અખબારો કરતાં વાચકોની સંખ્યામાં 2.86 લાખની જંગી લીડ ધરાવે છે. ટોટલ રીડરશિપ (ટીઆર)ના સંદર્ભમાં ઇટીના હિસ્સાને ધ્યાનમાં લેતાં તમારું મનપસંદ અખબાર અન્ય દૈનિકો કરતાં 64 ટકા આગળ છે.

ઇટીના નિરંતર વૃદ્ધિનું મહત્ત્વ એ છે કે બિઝનેસ પ્રકાશનના ઓડિયન્સમાં કેન્દ્રસ્થાન ધરાવતા યુવા ઓફિસ એક્ઝિક્યુટિવ્સ , બિઝનેસમેન અને ઉદ્યોગપતિઓ તેના વાચકવર્ગમાં સ્થાન ધરાવે છે.

ઇકોનોમિક ટાઇમ્સે 20 થી 39 વયના વર્ગજૂથમાં 36,000 નવા વાચકોનો ઉમેરો કર્યો તે દર્શાવે છે કે 50 વર્ષ પૂરાં કર્યાં પછી પણ ઇટી એક યુવાન અખબાર છે અને આ ટ્રેન્ડ છેલ્લાં ઘણાં વર્ષોથી જાળવ્યો છે. ઇટીની લીડરશિપનો અંદાજ એ બાબત પરથી મળશે કે તે 3.45 લાખ ઓઇબીએસઇપી વાચકો સાથે સૌથી નિકટના હરીફ બિઝનેસ અખબાર કરતાં તે અઢી ગણું આગળ છે.

ઇટીએ હંમેશા નવા ઉદ્ભવતા વિચારોની સાથે સામગ્રી પર વધારે ભાર મૂક્યો છે તેથી તેના વાચકોમાં 2,000 જુનિયર કોર્પોરેટ એક્ઝિક્યુટિવ્સ અને મધ્યમ અને સિનિયર સ્તરે 7,000 વાચકોનો ઉમેરો કર્યો છે.

આ ઉપરાંત તેના વાચકોમાં બિઝનેસમેન અને ઉદ્યોગપતિઓનો પણ ઉમેરો થયો છે. ભૌગોલિક પ્રભાવની વાત કરીએ તો દક્ષિણમાં ઇટી આક્રમક રીતે આગળ વધી રહ્યું છે. તેણે ચેન્નાઈ , બેંગલોર અને હૈદરાબાદમાં અનુક્રમે 50 ટકા , 9 ટકા અને 5 ટકાના દરે વૃદ્ધિ કરી છે.

દિલ્હીમાં પણ 7,000 નવા વાચકો સાથે તેની રીડરશિપમાં ચાર ટકાનો વધારો થયો છે.

ઇટીના વાચકોમાં 6,000 સેક-એ રીડર્સ ઉમેરાયા છે. અત્યારે ઇટીના કુલ સેક-એ વાચકોની સંખ્યા 5.55 લાખ છે જે તેના વાચકવર્ગની ગુણવત્તા દર્શાવે છે.