આંધળો વિશ્વાસ

આજકાલ લોકોમાં આંધળો વિશ્વાસ જોવા મળે છે કેમ કે તેમને લાલચ છે વધારે પૈસા કમાવાની અને બીજાને આપવાની (ગુમાવવાની). આંકડાઓ તો ખબર જ નથી પડતી જેમ કે ૧૦૦૦ કરોડ, ૫૦૦ કરોડ, ૧૦૦ કરોડ. તેમ છતાં માણસો તો વધારે ને વધારે પૈસા આપે જ છે. મને યાદ છે એક વ્યક્તિ કે જે પપ્પાની સાથે બેંકમાં જોબ કરતા હતા. તેમને નિવૃત થવાને ૩ વર્ષની વાર હતી ને વીઆરએસ લઇ લીધું. 

પછી શું કરે?  બધા જ પૈસા શેરબજારમાં રોકી દીધા. મારા પપ્પાએ ના પડી હતી કે તમે આટલા બધા પૈસા નાં રોકો. આ તમારી મરણ મૂડી છે. પરંતુ એમને માથા ઉપર ભૂત સવાર હતું કે મને જો પૈસા બે ગણા થઇ જશે તો મારી ત્રણેય દીકરીઓના લગ્ન થઇ જશે. અને એ જ વખતે  શેરબજાર તૂટી ગયું. બધા જ પૈસા ડૂબી ગયા. 

રાત્રે ઘરે આવ્યા અને કહ્યું કે સાહેબ હવે શું કરું? મારા પપ્પા એ કહ્યું કે જયારે માણસ કામ કરતો હોય છે ત્યારે એ વિચાર કરતો નથી. અને જયારે વિચારે છે ત્યારે એનું પરિણામ શું આવશે તેના વિષે વિચાર કરતો નથી. 

આ કેસ ઉપરથી ધ્યાન રાખવું કે તમારી બચતમૂડી ક્યારેય કોઈ જગ્યાએ રોકવી નહિ. તમારા પરિવારનું એક બજેટ હોવું જોઈએ જેનાથી તમારી જિંદગી સરસ જાય અને પરિવાર સાથે આનંદથી રહી શકો.